Torsdag 22. mai kl. 14.30–15.00 inviterer Nynorsksenteret til eit gratis nettseminar med konkrete tips til korleis du kan kombinere språkopplæring med aktivitetar i det store uteklasserommet.
Gi elevane positive opplevingar med nynorsk ved hjelp av gode bøker og enkelt podkastutstyr. Her kan du lese om erfaringane til lærarane ved Øyra skule som har gjennomført dette på 5. trinn saman med Nynorsksenteret.
Å kunne lese med flyt handlar om å avkode bokstavane og samstundes hente ut innhaldet i teksten (Tønnessen & Uppstad, 2014). For å klare det, må teksten vere på eit passeleg nivå, sidan vanskegrad og ordmengde kan påverke leseflyten til begynnarlesaren. Dessutan er det motiverande å lese om eit tema som interesserer, og å klare å lese ei forteljing frå start til slutt, sjølv om ein er ein heilt fersk lesar.
Vi ønskjer store og små gode maidagar med ei splitter ny forteljing! Fossekallen kan visast på skjerm eller skrivast ut, og passar godt å lese høgt i samlingsstunda i barnehagen og på 1.–4. trinn rundt nasjonaldagen. Hilde Myklebust har skrive forteljinga, og Inger Lise Belsvik har laga illustrasjonane. God 17. mai!
Ida Lovise Bøe som er høgskulelektor ved Nynorsksenteret og lektor ved Steinkjer videregående skole, skriv om korleis ho arbeider med tekstar som engasjerer elevane.
Finst det noko betre enn våren? Både barn og vaksne er glade i denne årstida, så kvifor ikkje setje av litt tid til å jobbe med henne? Målet er å leggje til rette for elevaktive læringsformer og drive motiverande nynorskopplæring.
Ein latekskledd superhelt med slagkraft, og faktabøker gode nok til å bidra i FN sitt arbeid med berekraft. Øystein Runde har hovud og hender til å dekke eit uvanleg breitt spekter. Kan ein og same mann formidle fakta så godt at han imponerer ein nobelprismottakar – og også lage splatterhumor med gamle damer som døyr og gjenoppstår som ein hest med tre hovud? Møt Øystein Runde.
Denne læringsressursen er tenkt som ein språkstimulerande leikesituasjon med skriftspråkleg undring og oppdaging. Elevane skal samarbeide, leike, sortere, telje, lese og skrive.
