Skam om 17. mai og overgrep

Foto: NRK
Chris, Eva, Noora, Vilde og Sana på veg inn på valdtektsmottaket på nasjonaldagen. (Foto: NRK)

Det er mange av oss som syng «Fagert er landet» av Anders Hovden på 17. mai. Det er ein vakker salme. Bjørka sprett, bunadssølja klirrar på bunadsbrystet og kvitveisen strekkjer seg mot sola. Flagga veivar i vinden. Vakre mai. Månaden då fridom, demokrati og individrettar vert feira. I løpet av nasjonaldagen må dei av oss som følgjer med på Skam, innom for å sjå korleis jentene i Skam feirar 17. mai. Jammen har dei ikkje brukt Fagert er landet, der òg! Hald fram å lesa Skam om 17. mai og overgrep

Rett i fanget på formidlaren

Tekst: Toril Engesæter, bibliotekar ved Høgskulen i Sogn og Fjordane

Ved biblioteket på Høgskulen i Sogn og Fjordane (HiSF) er me så heldige at me får høve til å sende dei beste nynorske barnebøkene rett i fanget på barnehagelærarstudentar, ikkje berre til bruk ved skulebenken, men til bruk i barnehagen. Kinderegg blir ei stussleg samanlikning, her får me meir enn tre ting på ein gong! Hald fram å lesa Rett i fanget på formidlaren

Heilt supert, NRK Super!

– Eg betaler NRK-lisens med glede!

Du tenkjer kanskje at det var ein merkeleg ting å seie. Eg skal fortelje deg kvifor. Kvar gong eg betaler lisensen, tenkjer eg at det gjer NRK Super i stand til å produsere mange ulike program. Dei lagar dokumentarseriar om born og viser mangfaldet i barnekulturen, dei tek borna på alvor, har «ekte folk» i tillegg til animasjonsfilmar og liknande, og ikkje minst har dei mange program med nynorsk tale og ulike dialekter.

Hald fram å lesa Heilt supert, NRK Super!

Gjesteinnlegg: Eg, Ivar Buraasen!

Ole Ivar Burås Storø. Foto: Julia Naglestad / B13.no
Ole Ivar Burås Storø. Foto: Julia Naglestad / B13.no

Det er namnet eg for tida går under i Foreningen !les og vår nynorske leseaksjon, Tid for ti. Sjølv er eg frå Bjerkvik i Nordland og fostra opp på bokmål pluss den lokale dialekta, men det hindrar meg ikkje i å ta utfordringa ved å leie ein nynorsk leseaksjon. Sjølvsagt ikkje.

Det er rart at eit ord som nynorsk kan skape så mykje frustrasjon. Både blant unge og gamle. I heile landet. Eg meiner, det finst då andre ting enn nynorsk å vere frustrert over. Til dømes servitørar som svarar dei har Pepsi når du spør om dei har Cola. Vel, no skal ikkje eg prøve å analysere kva det er med nynorsken som får så mange til å hisse seg opp. Eg skal heller prøve å seie noko om mi eiga oppleving av nynorsk (litteratur) og formidlinga av den. Før og no.
Hald fram å lesa Gjesteinnlegg: Eg, Ivar Buraasen!