Blogg og nyhende

Vennskapssongen til sommaravslutning

«Kom som du er» er ein leiken og fengjande song på nynorsk. Få med klassa eller skulen din og øv inn songen. Her finn du tekst, tekstvideo, lydfiler til songen og danseinstruksjonar. Han passar fint til sommaravslutning eller klassefest.

03.05.2024

Treng elevane dine eksamenstrening?

Treng elevane dine eksamenstrening? Her finn du døme på eksamensoppgåver.

02.05.2024

Røyset viser krigen med eit barns blikk

Ho har ikkje vore spesielt oppteken av krigen, og ho er ikkje spesielt glad i fantasy-sjangeren heller. Men då ho kombinerte desse to, fekk ho til å skrive sin første roman. Etter seks bøker er Ingunn Røyset likevel ikkje sikker på om ho skal kalle seg ein forfattar.

30.04.2024

Korleis få elevane til å engasjere seg i setningsledd og ordstilling?

Legg til rette for samarbeid og elevaktive oppgåver, og la dei utforske språket. I denne presentasjonen finn du åtte arbeidsoppgåver som er lette å ta i bruk, som fremjar språkleg utforsking, og som synleggjer at det å kunne fleire språk er ein ressurs.

30.04.2024

Utlysingspakke for randsoneprosjektet Nynorskløftet

Kva skal til for å betre vilkåra for nynorskelevane i dei språklege randsonene? Vi ønskjer å kome i kontakt med lærarar som underviser i norsk på 8. trinnet komande skuleår, og som jobbar på skular der det både er elevar med nynorsk som hovudmål og elevar med bokmål som hovudmål.

23.04.2024

Skap ein kultur for lesing!

Leseengasjement er meir enn leselyst. Det inneber også å vere uthaldande, å kunne konsentrere seg og å ha gode haldningar til lesing. Her er ti tips som kan fremje leseengasjement.

23.04.2024

For vidaregåande: Arbeid med nabospråk og grammatikk

Historia om draumen til dronning Ragnhild er gjengitt på fem språk, og desse variantane av den korte teksten kan danne utgangspunkt for å undersøke og samanlikne likskapar og skilnadar mellom nabospråk. Her finn du eit opplegg for vidaregåande om nabospråk og grammatikk.

19.04.2024

For ungdomsskule: Bryllaupstid! 

Er du på jakt etter eit engasjerande  undervisingsopplegg? I denne tverrfaglege storyline-oppgåva i norsk, KRLE og samfunnsfag får elevane gode moglegheiter til å lese og skrive nynorsk på ein læringsaktiv måte. Ramma for oppgåvene er å planlegge og gjennomføre eit bryllaup, og elevane får tildelt ulike oppdrag undervegs i arbeidet. Hugs at du ikkje treng å gjennomføre heile forteljingsløypa – du kan velje ut enkeltoppgåver i ressursen om du ønskjer det.  

18.04.2024

Nettseminar 25. april: Nynorskopplæring i friluft

Torsdag 25. april kl. 14.30–15.00 held Nynorsksenteret eit gratis nettseminar der du får tips til nynorskopplæring i friluft.

17.04.2024

Innhaldsrik nynorskveke i Steinkjer

Steinkjer videregående skole har i samarbeid med det lokale mållaget arrangert ei innhaldsrik nynorskveke for elevar, lærarar og andre interesserte. Lærarane Ida Lovise Bøe og Karin Ryen har organisert det faglege innhaldet. Her finn du eit nytt undervisningsopplegg som dei har laga til ungdomsromanen Hjartespreng. Du får også tips til korleis ein kan lage ei nynorskveke.

04.04.2024